СМІ: У Луганску падарвалі аўто высокапастаўленага калабаранта

• 6.12.2023, 16:48

Паводле папярэдняй інфармацыі, ён атрымаў раненні.

У часова акупаваным Луганску былі чуваць гукі выбухаў. Пра гэта паведамляюць мясцовыя Telegram-каналы, піша New Voice.

Адзін з прапагандысцкіх паблікаў зазначае, што выбух прагрымеў насупраць стадыёна Авангард, таксама паведамляецца пра гарэнне аўтамабіля.

Пазней стала вядома, што ў падарваным аўтамабілі знаходзіўся дэпутат фэйкавай Народнай Рады ЛНР Алег Папоў.

Паводле папярэдняй інфармацыі, ён атрымаў раненні.

Пазней кіраўнік руху «Мы разам з Расеяй» Уладзімір Рогаў пацвердзіў інфармацыю пра раненне дэпутата «Народнага савета ЛНР» праз падрыў аўтамабіля ў цэнтры Луганска.