Расея выслала двух брытанскіх дыпламатаў

• 10.03.2025, 11:28

Нібыта праз "выведвальную дзейнасць".

Федэральная служба бяспекі Расеі заявіла, што двум брытанскім дыпламатам загадалі пакінуць краіну праз "разведвальную дзейнасць".

Пра гэта паведамляе "Інтэрфакс" са спасылкай на звесткі ФСБ РФ.

У ФСБ РФ сцвярджаюць, што абодва дыпламаты падалі фальшывую інфармацыю пра сябе пры ўездзе ў краіну.

Таксама пазначана, што ФСБ выявіла тое, што яна назвала “прыкметамі выведвальна-дыверсійнай працы”, якая пагражала нацыянальнай бяспецы.

Прадстаўніка пасольства Вялікабрытаніі ў Маскве таксама выклікалі ў расейскае Міністэрства замежных спраў.

Дыпламатам загадалі пакінуць Расею ў двухтыднёвы тэрмін.