Больш за 200 нелегальных мігрантаў спрабавалі патрапіць у Польшчу з Беларусі

• 10.03.2025, 19:16

Каля двух польскіх сёлаў мігранты напалі на пагранічнікаў.

Больш за 200 нелегальных мігрантаў спрабавалі незаконна пераадолець польска-беларускую мяжу ў мінулыя выходныя.

Аб гэтым са спасылкай на звесткі польскіх памежнікаў піша RMF24.

Як адзначаецца, агульная колькасць нелегальных мігрантаў, якія спрабавалі пераадолець мяжу ў Польшчу з Беларусі ў пачатку сакавіка, склала больш за 210 чалавек.

Паводле інфармацыі памежнікаў, гэта чвэрць ад усіх спроб пераходу мяжы з пачатку года.

Адзначаецца, што паблізу польскіх сёлаў Чаромхі і Мельніка нелегальныя мігранты напалі на памежнікаў - закідалі іх камянямі, якія яны прынеслі з сабой у заплечніках. У адным з аўтамабіляў яны разбілі вокны.