Байцы «Азова» атакавалі акупантаў найноўшым украінскім дронам UAS SETH

• 10.03.2025, 20:02

Відэа.

Ваяры з брыгады «Азоў» выкарыстоўваюць супраць акупантаў найноўшыя ўкраінскія дроны UAS SETH. З'явілася відэа адной з украінскіх атак такімі беспілотнікамі.

Пра гэта паведамляе «Азоў» у Telegram.

«UAS SETH – найноўшая ўкраінская зброя 12-й брыгады “Азоў”. Гэты ўдарны беспілотны авіяцыйны комплекс просты ў эксплуатацыі, цалкам аўтаматызаваны», – сказана ў паведамленні брыгады.

Вайскоўцы адзначаюць, што такія дроны ўжо б'юць па варожых цэлях на Тарэцкім кірунку. Сярод іншага яны паказалі відэа, на якім UAS SETH знішчае варожы грузавік.

У «Азове» ўдакладнілі, што першую партыю беспілотнікаў UAS SETH брыгадзе перадаў дабрачынны фонд «Вярніся жывым».

«З ім аператары ўдарных дронаў будуць яшчэ лепш паляваць на акупантаў, іх узбраенне і тэхніку», – дадалі вайскоўцы.