Украінскія дэсантнікі нанеслі ракетныя і артылерыйскія ўдары па акупантах на подступах да Суджы

• 9.03.2025, 12:17

Страты супраціўніка немалыя.

На Куршчыне зводныя дыверсійна-штурмавыя групы супраціўніка хацелі перамясціцца па галінцы газаправода. Акупанты спрабавалі замацавацца ў наваколлях горада Суджы.

Праціўніка знайшлі нашы дэсантнікі: па расейцах былі нанесеныя ракетныя і артылерыйскія ўдары, таксама іх атакавалі дронамі.

Страты супраціўніка немалыя, паведамляе Цензор.НЕТ.

Акрамя расейцаў таксама войскі КНДР удзельнічаюць у наступе, але нясуць вялікія страты.

Расейскія Z-блогеры абураюцца ў сацсетцы: бо толькі праз адсутнасць вентыляцыі ў трубе газаправода частка штурмавікоў проста задыхнулася.