Мінфін змяніў правілы фармавання страхавых гісторый

• 9.03.2025, 19:49

Якія звесткі будуць збіраць.

У Беларусі змянілі парадак фармавання страхавых гісторый і выдачы страхавых справаздач. Цяпер страхавыя арганізацыі будуць выдаваць у Міністэрства фінансаў больш звестак — інфармацыю аб практычна ўсіх кліентах і ўкладзеных з імі дамовах, за выключэннем некалькіх тыпаў абавязковага страхавання. Як паведамляе OL, дакумент апублікаваны на партале Pravo.by.

Дагэтуль страхавальнікі павінны былі збіраць для страхавых гісторый звесткі толькі паводле дамоў добраахвотнага страхавання. І тое не ўсе - выключаючы дамовы, дзе фігуруюць Рэспубліка Беларусь і яе адміністрацыйна-тэрытарыяльныя адзінкі, а таксама дзяржорганы.

Цяпер ім не трэба падаваць у Мінфін звесткі толькі пра дамовы абавязковага страхавання ад няшчасных выпадкаў на вытворчасці і прафзахворванняў, а таксама для абавязковага дзяржаўнага страхавання.

Зрэшты, інфармацыю пра дамовы абавязковага страхавання Мінфін усё адно будзе атрымліваць - ад Беларускага бюро транспартнага страхавання.

У 2024 годзе Нацбанк Беларусі ўнёс змены ў правілы фармавання крэдытных гісторый і справаздач.